திங்கள், 27 அக்டோபர், 2014

பிம்பம் .


பிம்பம் .

கண்ணாடியில் முகம் பார்க்காமலே
கழிந்து போன காலம் நிறைய உண்டு .
வகிடெடுக்கும் வழக்கம் இல்லாததால்
தலை வாரவும் கண்ணாடி பார்த்ததில்லை .
அகத்தின் அழகு தெரிந்து விடுமோவென்ற
அச்சத்தினாலும் இருந்திருக்கலாம் .
முகமில்லை அகமென்று
உணர்ந்த பின்னும்
ஏனோ கண்ணாடி பார்க்கத்
தோன்றவேயில்லை .
எனினும்
முகம் காணும் வேட்கையில்
கண்ணாடி பார்க்கும் ஆசை
வந்த போது
முகம் தொலைந்து போயிருந்தது .
இப்போதோ
தெளிவான நீரில் கூட
தொலைந்து போன

முகம் தேடும் மனம் .

[ புதுப்புனல் அக்டோபர் 2014 ]



1 கருத்து:

  1. தெளிந்த நீரோடையாய்
    முகம் பார்க்கும் கண்ணாடியாய்
    விழிகளில் தெளிவாய்...
    எப்படி டி சாத்தியமானாய்...நீ

    பதிலளிநீக்கு