வியாழன், 30 அக்டோபர், 2014

தீர்வு

தீர்வு

உளிகளின் மன உளைச்சலால்
சிதைந்து போன
சிற்பங்களின் சிதறல்கள் .
தூரிகைகளின் கோபத்தால்
கலைந்து போன
ஓவியத்தின் கோடுகள் .
வார்த்தைகளின் குழப்பத்தால்
பாதியில் நின்று போன
கவிதை வரிகள் .
நரம்புகள் முறுக்கிக் கொண்டதால்
ஸ்வரம் தவறிய சங்கீதங்கள் .
தோலில் துளை விழுந்ததால்
தடுமாறிய தாளங்கள் .
எல்லாவற்றையும் வாரி அள்ளி
தெருவோரத் தொட்டியில்
போட்ட பின்பு
மேலும் அதிகமாக ஒளிரத்
தொடங்கியது
வானத்து நிலா .

[ கணையாழி மே 2014 ]


2 கருத்துகள்: