சனி, 15 நவம்பர், 2014

மன்னித்து விடு பாரதி .

  மன்னித்து விடு பாரதி .

காற்று இனிது .
என் கூரையை அடித்துச் செல்லாத வரை .
தீ இனிது .
என் வீட்டை எரிக்காத வரை .
மழை இனிது .
என் இல்லம் ஒழுகாத வரை .
மின்னல் இனிது .
என் பார்வையைப் பறிக்காத வரை .
இடி இனிது .
என் தலையில் இறங்காத வரை .
கடல் இனிது .
என்னை இழுத்துச் செல்லாத வரை .
காடு இனிது .
நான் திக்குத் தெரியாது தவிக்கும் வரை .
எல்லாமே இனிதுதான்
என்னைப் பாதிக்காத வரையிலும் .

மன்னித்து விடு பாரதி ,
நான் சாதாரண மனிதன்தான் .

[ புதுப்புனல் அக்டோபர் 2014 ]


1 கருத்து:

  1. மன்னித்து விடு பாரதி ,
    நான் சாதாரண மனிதன்தான் .
    unmaije..
    Vetha.Langathilakam.

    பதிலளிநீக்கு