ஞாயிறு, 23 நவம்பர், 2014

நிறைவு .

நிறைவு .

இடுப்பில் தூக்கி
கொஞ்சிக் கெஞ்சிய போதும் ,
நிலாவைக் காட்டி
பாட்டுப் பாடி
ஊட்டிய போதும் ,
சாப்பிட்டதும் சாக்லேட்டென்று
ஆசை காட்டிய போதும் ,
தெருவோரக் கிழவனைக் காட்டி
பூச்சாண்டியென மிரட்டிய போதும்
சோறுண்ண மறுத்த குழந்தையின்
வயிறும் மனமும்
ஒரு சேர நிரம்பியது
தான் நீட்டிய இலைகளை
மென்று தின்று பசியாறிய
ஆடுகளைப் பார்த்த போது .
[ புதுப்புனல் நவம்பர் 2014 ]


கருத்துகள் இல்லை:

கருத்துரையிடுக