வெள்ளி, 7 நவம்பர், 2014

கடைசி மனிதனின் மரணம் .



கடைசி மனிதனின் மரணம் .

ஒரு மனிதன்
புதைக்கப் பட்டு விட்டான்
பக்கத்துக் குழி இன்னும்
திறந்தே இருக்கிறது .
ஒரு மனிதன்
எரிக்கப் பட்டு விட்டான்
அடுக்கிய அடுத்த சிதை
தயாராக இருக்கிறது .

ஒரு மனிதன்
கழுவிலேற்றப் பட்டு விட்டான்
கழுமுனை இன்னும்
கூராகவே இருக்கிறது .
ஒரு மனிதனின் கழுத்தில்
இறுக்கப் பட்டு விட்டது தூக்குக் கயிறு
இழுக்கப் படாத இன்னொரு முடிச்சு
காத்திருக்கிறது .

சிலுவையில் காயவில்லை
இரத்தம் இன்னும்
இன்னொரு சிலுவை
காலியாகவே இருக்கிறது .

கண்ணுக்கு தெரியாத
கடைசி மனிதனின்
மரணத்துக்காக
காத்திருக்கின்றன
எல்லாமே .
[ இன்மை இணைய இதழ் நவம்பர் 2014 ] 


கருத்துகள் இல்லை:

கருத்துரையிடுக