செவ்வாய், 20 ஜனவரி, 2015

கவிச்சூரியன் ஐக்கூ மின்னிதழ் – 32 ல் வெளியான ஐக்கூ கவிதைகள் .


கவிச்சூரியன் ஐக்கூ மின்னிதழ்  – 32  ல் வெளியான ஐக்கூ கவிதைகள் .

வான்கோ தோட்டத்து மலர்கள்
வர்ணமிழந்தன
தூரிகைக்கு தானம் கொடுத்து .

மழை அழித்தது
தெருவோர ஓவியத்தை
வரைந்தவனின் அன்றைய தினத்தையும் .

குடையைப் பழுது பார்ப்பவர்
விரிக்காத குடைகளுடன்
நனைகிறார் வெயிலில் .

பூச்சிகளின் ஆயுளை
நிர்ணயிக்கின்றது
பல்லி நாக்கின் நீளம் .

போட்டி போட்டன
கடை பொம்மைகள்
பேத்திக்கு பரிசாவதற்கு .

[ கவிச்சூரியன் ஐக்கூ மின்னிதழ்  32   ]


கருத்துகள் இல்லை:

கருத்துரையிடுக